భూమి రిజిష్ట్రేషన్‌ కోసం ఏఏ పత్రాలను సిద్దం చేసుకోవాలి?

0
592


ఎవరి దగ్గరైనా మనం భూమి కొనాలంటే ముందుగా వారి వద్ద నుండి కొన్ని డాక్యుమెంట్లను జిరాక్స్‌ తీసుకోని పరిశీలించుకోవాలి. మనం భూమిని కొని రిజిష్ట్రేషన్‌ చేసుకోవాలంటే ముఖ్యంగా ముందుగా విక్రయ దస్తావేజు ఉందో లేదో చూసుకోవాలి. ఆ తర్వాత ఆ భూమికి సంబంధించిన లింక్‌ డాక్యుమెంట్‌ను చూసుకోవాలి. ఆ లింక్‌ డాక్యుమెంట్‌లోనే ఆ భూమి ఎవరి దగ్గరి నుంచి ఎవరికి వచ్చింది, ఆ భూమి పుట్టు పూర్వోత్తరాలు ఏంటి అనేది మనకు తెలుస్తుంది. కనీసం 12 ఏళ్ల నుంచి 30 ఏళ్ల వరకు ఉన్న లింక్‌ డాక్యుమెంట్లను తప్పనిసరిగా చూసుకోవాలి. అలాగే ఎన్‌కంబరెన్స్‌ సర్టిఫికెట్‌ అని ఉంటుంది. దీన్నే ఇసి అంటారు. రిజిష్టార్‌ ఆఫీస్‌ నుంచి ఏ భూమికి సంబంధించిన ఇసినైనా కొంత రుసుము చెల్లించి మనం పొందవచ్చు. ఈ మూడింటితోపాటు అది వ్యవసాయ భూమి అయితే భూ యాజమాన్యపత్రం, భూమి శిస్తులు కూడా తీసుకోవాలి. అది వ్యవయేతర భూమి అయితే మున్సిపాల్టీకి కానీ, గ్రామ పంచాయితీకి గానీ చెల్లించిన పన్ను రశీదులను పరిశీలించుకోవాలి.

LEAVE A REPLY

Please enter your comment!
Please enter your name here